Welcome to SIA

    ພ້ອມກັນຕ້ານການສໍ້ລາດບັງຫຼວງທຸກຮູບແບບ

ຂ່າວ ແລະ ເຫດ​ການ​ລ່າ​ສຸດ

ຂ່າວ​າ​ສານ ແລະ ເຫດ​ການ​ລ່າ​ສຸດ​ຂອງ ອກ​ລ



ກອງປະຊຸມໃຫຍ່ຄັ້ງທີ III ຂອງອົງຄະນະພັກ ຄະນະກວດກາສູນກາງພັກ

ອີເມລ ພິມ PDF
img 8714
 img 8178

   ໃນ​​ວັນທີ 28 ກັນຍາ 2016 ຄະນະ​ກວດກາ​ສູນ​ກາງ​ພັກໄດ້​​ເປີດກອງປະຊຸມ​ໃຫຍ່​ຄັ້ງທີ່ III ຂອງອົງຄະ​ນະ​ພັກ​ຄະນະ​ກວດກາ​ສູ​ນກາງ​ພັກ​​ ຂຶ້ນທີ່ສະ​ໂມ​ສອນໃຫຍ່ຂອງຄະນະ​ກວດກາ​ສູນ​ກາງ​ພັກ(ຫຼັກ6) ພາຍໃຕ້ການເປັນປະທານຂອງ ສະຫາຍ ປອ. ບຸນ​ທອງ ຈິດ​ມະນີ ກໍາມະການ​ກົມ​ການ​ເມືອງ​ສູນ​ກາງ​ພັກ, ​ເລ​ຂາ​ທິການ​ສູນ​ກາງ​ພັກ, ຮອງ​ນາຍົກລັດຖະມົນຕີ, ​ເລຂາ​ຄະນະ​ພັກ ປະທານ​ຄະນະ​ກວດກາ​ສູນ​ກາງ​ພັກ, ກອງ​ປະຊຸມ​ຍັງ​ໄດ້​ເປັນກຽດເຂົ້າຮ່ວມຂອງ ສະຫາຍ ບຸນ​ຍັງ​ ວໍລະ​ຈິດ ​ເລຂາທິການ​ໃຫຍ່​ຄະນະ​ບໍລິຫານ​ງານ​ສູນ​ກາງ​ພັກ​ປະຊາຊົນ​ປະຕິວັດລາວ. ບັນດາສະຫາຍ​ຕາງໜ້າ​ຈາກ​ຄະນະ​ຈັດຕັ້ງສູນກາງພັກ, ຫ້ອງ​ວ່າການ​ສູນ​ກາ​ງພັກ, ຄະນະ​ໂຄສະນາ​ອົບຮົມ​ສູນ​ກາງ​ພັກ, ສະ​ຖາ​ບັນ​ການ​ເມືອງ​ການ​ປົກຄອງ​ແຫ່ງ​ຊາດ, ສະ​ຖາ​ບັນ​ຄົ້ນຄວ້າ​ວິ​ທະຍາ​ສາດ​ສັງຄົມ​ແຫ່ງ​ຊາດ, ອົງການ​ກວດ​ສອບ​ແຫ່ງ​ລັດ, ບັນດາສະຫາຍເລຂາຄະນະໜ່ວຍພັກ, ບັນດາ​ສະຫາຍຄະນະພັກ ພ້ອມດ້ວຍສະມາຊິກພັກອາວຸ​ໂສ​ບໍານານ; ສະມາຊິກ​ພັກສົມບູນ, ສໍາຮອງຂອງ​ຄະນະ​ກວດກາ​ສູນ​ກາງ​ພັກເຂົ້າຮ່ວມ.

  ກອງປະຊຸມຄັ້ງນີ້, ​ໄດ້ຜ່ານບົດລາຍ​ງານ​ການ​ເມືອງຂອງ​ຄະນະ​ພັກ​ສະ​ໄໝທີ II; ບົດສຳຫຼວດການ​ນຳພາ​ລວມຂອງ​ຄະນະ​ພັກ​ໃນ​ໄລຍະ​ໜຶ່ງ​ສະ​ໄໝ​ທີ່​ຜ່ານ​ມາ​ໂດຍ​ຍົກ​ໃຫ້​ເຫັນຜົນງານ, ​ດ້ານ​ດີ-ຂໍ້​ຄົງ​ຄ້າງ ​​​ແລະ ບາງບົດຮຽນທີ່ຖອດ​ຖອນ​​ໄດ້​ພາຍ​ໃຕ້​ການ​ນຳພາ​ຂອງ​ສູນ​ກາງ​ພັກ, ຄະນະ​ພັກຄະນະ​ກວດກາ​ສູນ​ກາງ​ພັກ​ໄດ້​ເປັນ​ເຈົ້າ​ການ​ຊີ້​ນໍາ-ນໍາພາ​ສະມາຊິກ​ພັກ, ພະນັກງານ-ລັດຖະກອນ ​ຈັດຕັ້ງປະຕິບັດ​ມະຕິ​ກອງ​ປະຊຸມ​ໃຫຍ່​ຄັ້ງທີ II ຂອງ​ຕົນ​, ກໍ່​ຄື​ມະຕິ​ກອງ​ປະຊຸມ​ໃຫຍ່​ຄັ້ງ​ທີ IX ຂອງ​ພັກ. ​ເຄື່ອນໄຫວວຽກງານຕາມພາລະ​ບົດບາດ, ສິດ ​ແລະ ໜ້າທີ່​, ທີ່​ໄດ້​ຮັບ​ມອບໝາຍຈາກ​ຂັ້ນ​ເທິງ, ມີແບບ​ແຜນ​​ການ​ນຳພາ, ແບບແຜນວິທີ​​ເຮັດວຽກສອດ​ຄ່ອງ​ກັບ​ແຜນການ​ຂອງ​ຄະນະ​ພັກ ​ແລະ ສະພາບ​ຄວາມ​ເປັນ​ຈິງ ​ແລະ ຜູ້​ແທນ​ກອງ​ປະຊຸມ​ກໍ​ໄດ້​ພ້ອມ​ກັນ​ປະກອບ​ຄໍາ​ເຫັນຕໍ່ກອງ​ປະຊຸມ​ເຮັດ​ໃຫ້​ມີ​ເນື້ອ​ໃນ​ອຸດົມສົມບູນ​ຂຶ້ນຕື່ມ.

    ນອກຈາກ​ນີ້, ກອງ​ປະຊຸມ​ຍັງ​ໄດ້ດໍາ​ເນີນ​ການ​ປ່ອນ​ບັດ​ເລືອກ​ຕັ້ງ​ເອົາຄະນະ​ພັກ ຊຸດ​ໃໝ່ ຈໍານວນ 15 ສະຫາຍ, ຍິງ 0 ສະຫາຍ.

  ໃນ​ຕອນ​ທ້າຍ​ຂອງ​ກອງ​ປະຊຸມ, ສະຫາຍ ​ເລຂາທິການ​ໃຫຍ່ ບຸນ​ຍັງ ​ວໍລະ​ຈິດ ໄດ້ໃຫ້ກຽດໂອ​ລົມ​ຕໍ່​ກອງ​ປະ​ຊຸມ​, ​ໂດຍ​ສະຫາຍ​ໄດ້​ເນັ້ນໜັກ​ໃຫ້​ບັນດາ​ສະ​ຫາຍຄະ​ນະ​ບໍລິຫານພັກຊຸດ​ໃໝ່ຕ້ອງ​ໄດ້​ເອົາ​ໃຈ​ໃສ່​ບາງ​ດ້ານ​ຄື: ພ້ອມກັນສືບຕໍ່ເອົາໃຈໃສ່ສຶກສາອົບຮົມການເມືອງ-​ແນວຄິດໃຫ້ບັນດາສະຫາຍສະມາຊິກພັກໃຫ້ໜັກແໜ້ນ, ​ເລິກເຊິ່ງ​; ​ເປັນເຈົ້າການ, ປະຕິບັດລະບອບລວມສູນປະຊາທິປະໄຕ, ​ເຮັດວຽກເປັນໝູ່ຄະນະ, ເອົາໃຈໃສ່ວຽກງານປັບປຸງພາຍໃນເປັນສໍາຄັນ, ດໍາເນີນຊີວິດການເມືອງໃຫ້ເປັນປົກກະຕິ ແລະ ຕໍ່ເນື່ອງ; ເປັນແບບຢ່າງນຳໜ້າທີ່ດີໃນການນຳພາ, ຄົ້ນຄວ້າຮໍ່າຮຽນບັນດາມະຕິ-ຄໍາສັ່ງກົດລະບຽບຂອງພັກ, ກົດໝາຍ-ລະບຽບການຂອງລັດແລະ ບັນດານິຕິກໍາຕ່າງໆທີ່ກ່ຽວຂ້ອງ,ໂດຍສະເພາະແມ່ນກ່ຽວກັບວຽກງານກວດກາ ຫ້າວຫັນເອົາໃຈໃສ່ຢ່າງຕັ້ງໜ້າ​​ປະກອບສ່ວນເຂົ້າໃນການຈັດຕັ້ງປະຕິບັດວຽກງານວິຊາສະເພາະກໍ​ຄື​ວຽກງານ​ກວດກາ​ພັກ-ກວດກາ​ລັດ ​ແລະ ຕ້ານ​ການ​ສໍ້​ລາດ​ບັງຫຼວງ ໃຫ້ບັນລຸຜົນສຳເລັດ; ປະສານສົມທົບ ຂໍທິດຊີ້ນຳຈາກຄະນະ​ບໍລິຫານ​ງານ​ສູນ​ກາງ​ພັກ, ກົມ​ການ​ເມືອງ ​ແລະ ຄະນະ​ເລຂາທິການ​ສູນ​ກາງ​ພັກ, ​ຢ່າງເປັນປົກກະຕິ​ ​ແລະ ທັນສະພາບການ; ມີການສະຫຼູບລາຍງານ​, ຖອດຖອນບົດຮຽນແລະປັບປຸງແກ້ໄຂຂໍ້ຄົງຄ້າງໃຫ້ດີຂຶ້ນກວ່າເກົ່າສືບຕໍ່ພ້ອມກັນຄົ້ນຄວ້າກໍາ​​ແໜ້ນ ​ແລະ ເລິກເຊິ່ງຕໍ່ມະຕິກອງປະຊຸມໃຫຍ່ຄັ້ງ​ທີ X ຂອງພັກ, ມະຕິກອງ​ປະຊຸມ​ໃຫຍ່​ອົງຄະ​ນະ​ພັກຂັ້ນຕົນ ກໍຄືບັນດາ​​ເນື້ອໃນກອງ​ປະຊຸມ​ໃນ​ຄັ້ງນີ້ຫັນເປັນແຜນການ-​ແຜນງານ​ເປັນ​ແຕ່ລະໜ້າວຽກ, ສືບຕໍ່ຕັ້ງໜ້າເພີ່ມທະວິໃນການຈັດຕັ້ງປະຕິບັດໜ້າທີ່ວຽກງານ​ຕາມ​ພາລະ​ບົດບາດ​ຂອງ​ຕົນ​, ດ້ວຍຄວາມຮັບຜິດຊອບ; ​ແລະ ສາມາດປະຕິບັດໜ້າທີ່ການເມືອງ​ໃຫ້​ມີ​ຜົນ;ສຳເລັດເປັນຢ່າງດີ.

 

ກອງປະຊຸມໃຫຍ່ກໍາມະບານຮາກຖານ ຄະນະກວດກາສູນກາງພັກ- ອົງການກວດກາລັດຖະບານ, ຄັ້ງທີ II

ອີເມລ ພິມ PDF
img 7980

img 7810

 ກອງ​ປະຊຸມ​ໃຫຍ່​ກໍາມະບານ​ຮາກ​ຖານ ຄະນະ​ກວດກາ​ສູນ​ກາງ​ພັກ-ອົງການ​ກວດກາ​ລັດຖະບານ ຄັ້ງທີ II

    ໃນຕອນເຊົ້າຂອງວັນທີ 22 ກັນຍາ 2016 ຄະນະ​ກໍາມະບານ​ຮາກ​ຖານ ຄະນະ​ກວດກາ​ສູນ​ກາງ​ພັກ-ອົງການ​ກວດກາ​ລັດຖະບານໄດ້​​ເປີດກອງປະຊຸມ​ໃຫຍ່​ຄັ້ງທີ່ II ຂອງ​ຕົນ​ຂຶ້ນທີ່ສະ​ໂມ​ສອນໃຫຍ່ຂອງຄະນະ​ກວດກາ​ສູນ​ກາງ​ພັກ(ຫຼັກ6) ພາຍໃຕ້ການເປັນປະທານຂອງ ສະຫາຍ ທຸມ​ມີ ທໍ​າມະ​ວົງ ຫົວໜ້າ​ຫ້ອງການ, ປະທານ​ສະຫະພັນ​ກໍາມະບານ​ຮາກ​ຖານ ຄະນະ​ກວດກາ​ສູນ​ກາງ​ພັກ-ອົງການ​ກວດກາ​ລັດຖະບານ, ໃຫ້ກຽດເຂົ້າຮ່ວມຂອງ ສະຫາຍ ປ້ານ ນ້ອຍ​ມະນີ ກໍາມະການ​ສູນ​ກາງ​ພັກ, ປະທານສູນ​ກາງ​ສະຫະພັນກໍາມະບານ​ລາວ, ສະຫາຍ ສີໃນ ມຽງລາວັນ ຮອງເລຂາຄະນະພັກ ຮອງປະທານຄະນະກວດກາສູນກາງພັກ, ຮອງປະທານອົງການກວດກາລັດຖະບານ ມີສະຫາຍ​ຮອງ​ປະທານ, ເລຂາ​ຄະນະ​ຊາວ​ໜຸ່ມ, ປະທານ​ສະຫະພັນ​ແມ່ຍິງ, ຄະນະກໍາມະບານ ພ້ອມ​ດ້ວຍ​ສະມາຊິກ​ກໍາມະບານ ຂອງຄະນະ​ກວດກາ​ສູນ​ກາງ​ພັກ-ອົງການ​ກວດກາ​ລັດຖະບານ​ເຂົ້າຮ່ວມທັງໝົດ 201 ສະຫາຍ,ຍິງ 63 ສະຫາຍ.

   ກອງປະຊຸມຄັ້ງນີ້, ​ໄດ້ຜ່ານບົດລາຍ​ງານ​ການ​ເມືອງ; ບົດສຳຫຼວດການ​ນຳພາ​ລວມຂອງ​ຄະນະ​ກໍາມະບານ​ຮາກ​ຖານ ຄະນະ​ກວດກາ​ສູນ​ກາງ​ພັກ-ອົງການ​ກວດກາ​ລັດຖະບານ​ ໃນ​ໄລຍະ​ໜຶ່ງ​ສະ​ໄໝ​ທີ່​ຜ່ານ​ມາ ​ໂດຍ​ຍົກໃຫ້ເຫັນຜົນງານ, ​ດ້ານ​ດີ-ຂໍ້​ຄົງ​ຄ້າງ ​​​ແລະ ບາງບົດຮຽນທີ່ຖອດ​ຖອນ​ໄດ້ເປັນຕົ້ນແມ່ນ: ການຊີ້ນຳ-ນຳພາຂອງຄະນະພັກ, ການຊ່ວຍເຫຼືອອຳນວຍຄວາມສະດວກ ຂອງຄະນະພັກຕໍ່ກໍາມະບານຮາກຖານ ສາມາດເຄື່ອນໄຫວໄດ້ຕາມພາລະບົດບາດຂອງຕົນ, ເພີ່ມຄວາມສາມາດໃນການນຳພາຂອງຄະນະກຳມະບານ​ຮາກ​ຖານເຊິ່ງເປັນປັດໃຈຕັດສິນຜົນສຳເລັດຂອງວຽກງານດ້ານຕ່າງໆ ມີແບບແຜນ​​ການນຳພາ, ແບບແຜນວິທີ​​ເຮັດວຽກສອດຄ່ອງກັບແຜນການຂອງຄະນະພັກແລະ ສະພາບຄວາມເປັນຈິງ ແລະ ຜ່ານທິດທາງແຜນການໃນຕໍ່ໜ້າ     ນອກຈາກນີ້, ກອງປະຊຸມຍັງໄດ້ດໍາເນີນການປ່ອນບັດເລືອກຕັ້ງເອົາ ຄະນະບໍລິຫານງານຄະນະ​ກໍາມະບານ​ຮາກ​ຖານ ຄະນະກວດກາສູນກາງພັກ-​ອົງການກວດກາລັດຖະບານ ຊຸດໃໝ່ ຈໍານວນ 7 ສະຫາຍ, ຍິງ 1 ສະຫາຍ.

   ໃນ​ຕອນ​ທ້າຍ​ຂອງ​ກອງ​ປະຊຸມ, ສະຫາຍ ປ້ານ ນ້ອຍມະນີ ໄດ້ໃຫ້ກຽດໂອ​ລົມ​ຕໍ່​ກອງ​ປະ​ຊຸມ​, ​ໂດຍ​ສະຫາຍ​ໄດ້​ເນັ້ນໜັກ​ໃຫ້​ບັນດາ​ສະ​ຫາຍຄະ​ນະ​ບໍລິຫານ​ງານ​ຄະນະ​ກໍາມະບານ​ຮາກ​ຖານຊຸດ​ໃໝ່ຕ້ອງ​ໄດ້​ເອົາ​ໃຈ​ໃສ່​ບາງ​ດ້ານ​ຄື: ພ້ອມກັນສືບຕໍ່ເອົາໃຈໃສ່ສຶກສາອົບຮົມການເມືອງ-​ແນວຄິດໃຫ້ບັນດາສະຫາຍສະມາຊິກກໍາມະບານໃຫ້ໜັກແໜ້ນ, ​ເລິກເຊິ່ງ​ ​ແລະ ຕໍ່ເນື່ອງ; ​ເປັນເຈົ້າການ, ​ເປັນແບບຢ່າງນຳໜ້າທີ່ດີໃນການນຳພາ, ຄົ້ນຄວ້າ, ສ້າງເປັນແຜນການ, ​ໂຄງການວຽກງານແຕ່ລະອັນຢ່າງລະອຽດ, ຫ້າວຫັນເອົາໃຈໃສ່ຢ່າງຕັ້ງໜ້າ​​ປະກອບສ່ວນເຂົ້າໃນການຈັດຕັ້ງປະຕິບັດວຽກງານວິຊາສະເພາະໃຫ້ບັນລຸຜົນສຳເລັດ; ປຸກລະດົມອ້າຍນ້ອງສະມາຊິກກໍາມະບານ-ພະນັກງານໃຫ້ເຂົ້າ ຮ່ວມແລະເປັນເຈົ້າການໃນການແຂ່ງຂັນກັນເຂົ້າຮ່ວມວຽກງານຂະບວນການຂອງກໍາມະບານ, ຕັ້ງໜ້າຄົ້ນຄວ້າຮ່ຳຮຽນ ຝຶກຝົນຫຼໍ່ຫຼອມຕົນເອງດ້ານຕ່າງໆໃຫ້ເປັນຂະບວນຟົດຟື້ນແຂງ​​ແຮງ; ປະສານສົມທົບ ຂໍທິດຊີ້ນຳຈາກຄະນະພັກ, ຜູ້ຊີ້ນຳອົງການຈັດຕັ້ງກໍາມະບານ, ສູນກາງສະຫະພັນ​ກໍາມະບານ​ລາວຢ່າງເປັນປົກກະຕິແລະ ທັນສະພາບການ; ພາຍຫຼັງການຈັດຕັ້ງປະຕິບັດແຕ່ລະວຽກງານພາຍຫຼັງສຳເລັດແລ້ວ ຕ້ອງສະຫຼູບຕີລາຄາລາຍງານຂັ້ນເທິງຕົນເປັນປົກກະຕິ ແລະ ພ້ອມກັນປັບປຸງແກ້ໄຂຂໍ້ຄົງຄ້າງໃຫ້ດີຂຶ້ນກວ່າເກົ່າເພື່ອສ້າງໃຫ້ອົງການ​ກໍາມະບານ​ຮາກ​ຖານ​ເປັນກຳລັງແຮງໃຫ້ແກ່ຄະນະກວດກາສູນກາງພັກ-ອົງການກວດກາລັດຖະບານ,ສາມາດປະຕິບັດໜ້າທີ່ການເມືອງໄດ້ສຳເລັດເປັນຢ່າງດີ.

 

ສະຫາຍ ປອ. ບຸນທອງ ຈິດມະນີ ສໍາເລັດການລົງຢ້ຽມຢາມ ແລະ ເຮັດວຽກຢູ່ 3 ແຂວງ ພາກເໜືອ

ອີເມລ ພິມ PDF
 12345 
 ສະຫາຍ ປອ. ບຸນທອງ ຈິດມະນີ ສໍາເລັດການລົງຢ້ຽມຢາມ ແລະ ເຮັດວຽກຢູ່ 3 ແຂວງ ພາກເໜືອ
   ວັນທີ 15 ຕຸລາ 2016 ສະຫາຍ ປອ. ບຸນທອງ ຈິດມະນີ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ, ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ໄດ້ລົງຢ້ຽມຢາມ ແລະ ໂອ້ລົມການນໍາ, ພະນັກງານຫຼັກແຫຼ່ງຂອງເມືອງຫຼວງນໍ້າທາ ຢູ່ທີ່ນີ້, ສະຫາຍ ນາງ ວຽງພອນ ເຮືອງແພງຈັນ ເຈົ້າເມືອງໆ ຫຼວງນໍ້າທາ ໄດ້ລາຍງານສະພາບການພັດທະນາເສດຖະກິດສັງຄົມຂອງເມືອງໃນໜຶ່ງປີຜ່ານມາໂດຍຫຍໍ້ຕໍ່ສະຫາຍ ປອ. ບຸນທອງ ຈິດທະນີ ພ້ອມຄະນະໄດ້ຮັບຊາບ.
   ຊຶ່ງເມືອງຫຼວງນໍ້າທາ ມີພົນລະເມືອງທັງໝົດ 57 ພັນກວ່າຄົນ, ຍິງ 28 ພັນກວ່າຄົນ, ອາຊີບຕົ້ນຕໍແມ່ນຖືເອົາການປູກຝັງລ້ຽງສັດເປັນຕົ້ນຕໍ, ການຄ້າຂາຍ ແລະ ການບໍລິການເປັນສໍາຮອງ. ໃນ 1 ປີ ຜ່ານມາສະພາບເສດຖະກິດໄດ້ມີການຂະຫຍາຍຕົວຢ່າງຕໍ່ເນື່ອງໃນລະຫວ່າງ 7,8%-8% ຕໍ່ປີ ລວມຍອດລາຍຮັບບັນລຸໄດ້ 779 ຕື້ກີບ, ໃນນີ້ການຜະລິດກະລິກໍາ 368 ຕື້ກີບ, ອຸດສາຫະກໍາ 70 ຕື້ກີບ ແລະ ການບໍລິການ 340 ຕື້ກີບ, ສະເລ່ຍລາຍຮັບໃສ່ຫົວຄົນໄດ້ 13 ລ້ານກີບຕໍ່ຄົນຕໍ່ປີ. ຖ້າທຽບໃສ່ປີຜ່ານມາເພີ່ມຂຶ້ນ 28%; ສ່ວນດ້ານວຽກງານການສຶກສາ, ສາທາລະນະສຸກ, ວຽກງານ 3 ສ້າງ, ຖະແຫຼງຂ່າວ ແລະ ວັດທະນະທໍາ, ການທ່ອງທ່ຽວ ແລະ ວຽກງານອື່ນໆ ກໍໄດ້ຮັບການຂະຫຍາຍຕົວເປັນກ້າວໆມາ.
   ວັນທີ 17 ຕຸລາ 2016 ປອ. ບຸນທອງ ຈິດມະນີ ພ້ອມຄະນະໄດ້ພົບປະ ແລະ ເຮັດວຽກກັບຄະນະປະຈໍາພັກແຂວງ, ພະນັກງານກວດກາພັກ-ລັດແຂວງຜົ້ງສາລີ ແລ້ວ ສະຫາຍ ປອ. ບຸນທອງ ຈິດມະນີ ໄດ້ສືບຕໍ່ລົງຢ້ຽມຢາມ ແລະ ພົບປະໂອ້ລົມກັບຄະນະພັກ, ພະນັກງານຫຼັກແຫຼ່ງຂອງເມືອງໃໝ່. ເຊິ່ງເຂົ້າຮ່ວມມີສະຫາຍ ຄໍາເຈນ ວົງໂພສີ ເລຂາພັກແຂວງ, ເຈົ້າແຂວງໆ ຜົ້ງສາລີ, ຄະນະພັກເມືອງ ແລະ ພະນັກງານວິຊາການອ້ອມຂ້າງເມືອງ. ໂອກາດດັ່ງກ່າວນີ້, ສະຫາຍ ແສງທອງ ແກ້ວນາລີ ເລຂາພັກເມືອງ, ເຈົ້າເມືອງໆໃໝ່ໄດ້ລາຍງານກ່ຽວກັບສະພາບການໂດຍຫຍໍ້ໃນການຈັດຕັ້ງປະຕິບັດແຜນພັດທະນາເສດຖະກິດສັງຄົມໃນສົກປີ 2015-2016 ເຊິ່ງເຫັນວ່າ ຈັງຫວະການຂະຫຍາຍຕົວທາງດ້ານເສດຖະກິດ 10,2% ຕໍ່ປີ ລວມຍອດຜະລິດຕະພັນພາຍໃນບັນລຸໄດ້ 159 ຕື້ກີບ ໃນນັ້ນການຜະລິດກະສິກໍາ 67%, ອຸດສາຫະກໍາ 4,4% ແລະ ການບໍລິການ 28,2%, ລາຍຮັບສະເສ່ຍຕໍ່ຫົວຄົນ 754ໂດລາສະຫະລັດຕໍ່ຄົນຕໍ່ປີ, ອາຊີບຕົ້ນຕໍຂອງປະຊາຊົນແມ່ນເຮັດນາ, ເຮັດໄຮ່ ແລະ ລ້ຽງສັດ. 
   ໂອກາດນີ້, ສະຫາຍ ປອ. ບຸນທອງ ຈິດມະນີ ກໍໄດ້ກ່າວສະແດງຄວາມຊົມເຊີຍ ແລະ ຕີລາຄາສູງຕໍ່ບັນດາຜົນງານທີ່ພົ້ນເດັ່ນຂອງບັນດາເມືອງ ແລະ ແຂວງ ທີ່ຍາດມາໄດ້ ໃນຕະຫຼອດໄລຍະທີ່ຜ່ານມາອັນໄດ້ເຮັດໃຫ້ທົ່ວເມືອງມີຄວາມສະຫງົບໂດຍພື້ນຖານ, ຊີວິດການເປັນຢູ່ຂອງປະຊາຊົນໄດ້ຮັບການແກ້ໄຂດີຂຶ້ນ ພ້ອມນີ້ສະຫາຍ ປອ. ບຸນທອງ ຈິດມະນີ ຍັງໄດ້ໃຫ້ທິດຊີ້ນໍາ ແລະ ເນັ້ນໃຫ້ຄະນະພັກ ຄະນະນໍາ, ພະນັກງານຫຼັກແຫຼ່ງຈົ່ງເອົາໃຈໃສ່ສືບຕໍ່ນໍາພາວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ນັບມື້ນັບເຂັ້ມແຂງ, ສະກັດກັ້ນປາກົດການຫຍໍ້ທໍ້ທີ່ເກີດຂຶ້ນໃນສັງຄົມເປັນຕົ້ນແມ່ນບັນຫາຢາເສບຕິດ, ການຄ້າຂາຍເຖື່ອນ, ຂີ້ລັກງັດແງະ, ບັນຫາຄົນຕ່າງປະເທດທີ່ມາດໍາລົງຊີວິດ ແລະ ປະກອບອາຊີບອອກແຮງງານທີ່ບໍ່ຖືກຕ້ອງຕາມລະບຽບກົດໝາຍ, ຕ້ານການສໍ້ລາດບັງຫຼວງ, ການຫຼິ້ນກິນຟຸມເຟືອຍ ແລະ ໄພສັງຄົມອື່ນໆ. ພ້ອມນີ້, ກໍຕ້ອງໄດ້ສືບຕໍ່ສົ່ງເສີມວຽກງານກະສິກໍາ ປູກຝັງລ້ຽງສັດ, ການຄ້າ, ການລົງທຶນ ແລະ ວຽກງານດ້ານອື່ນໆທີ່ເຫັນວ່າເໝາະສົມ ແນ່ໃສ່ເພື່ອເຮັດໃຫ້ເສດຖະກິດພາຍໃນເມືອງມີການຂະຫຍາຍຕົວຕໍ່ເນື່ອງດ້ວຍຈັງຫວະໜັ້ນທ່ຽງ.
   ວັນທີ 18 ຕຸລາ 2016 ສະຫາຍ ປອ. ບຸນທອງ ຈິດມະນີ ພ້ອມດ້ວຍຄະນະ ໄດ້ສືບຕໍ່ເຄື່ອນໄຫວເຮັດວຽກຢູ່ແຂວງອຸດົມໄຊ ເຊິ່ງໄດ້ເປັນກຽດເຂົ້າຮ່ວມ ແລະ ໂອ້ລົມຕໍ່ກອງປະຊຸມວຽກງານກວດກາທົ່ວແຂວງ ອຸດົມໄຊ ຄັ້ງທີ III (2011-2015).
   ໂອກາດດັ່ງກ່າວນີ້, ສະຫາຍ ປອ. ບຸນທອງ ຈິດມະນີ ໄດ້ສະແດງຄວາມຍ້ອງຍໍ ແລະ ຊົມເຊີຍຕໍ່ບັນດາຜົນງານທີ່ພົ້ນເດັ່ນຂອງຄະນະກວດກາພັກ-ລັດແຂວງ ອຸດົມໄຊທີ່ ສາມາດປະຕິບັດໄດ້ຕະຫຼອດໄລຍະ 5 ປີຜ່ານມາ. ພ້ອມນັ້ນ, ຍັງໄດ້ໃຫ້ທິດຊີ້ນໍາ ແລະ ເນັ້ນໜັກໃຫ້ພະນັກງານຜູ້ເຮັດວຽກງານກວດກາຈົ່ງສືບຕໍ່ເອົາໃຈໃສ່ຕິດຕາມກວດກາການປະຕິບັດພາລະບົດບາດ, ສິດ ແລະ ຄວາມຮັບຜິດຊອບ, ແບບແຜນນໍາພາ, ວິທີເຮັດວຽກຂອງຄະນະພັກ, ທຸກການຈັດຕັ້ງ. ພ້ອມນັ້ນ, ກໍຕ້ອງໄດ້ກວດກາການຈັດຕັ້ງປະຕິບັດແນວທາງນະໂຍບາຍ,ມະຕິ, ຄໍາສັ່ງ, ກົດລະບຽບຂອງພັກ, ກົດໝາຍຂອງລັດ, ລະບຽບການ ແລະ ແຜນພັດທະນາເສດຖະກິດສັງຄົມຂອງລັດ, ແຜນງົບປະມານ ແລະ ການລົງທຶນຂອງລັດ, ການຄຸ້ມຄອງ ແລະ ນໍາໃຊ້ຊັບພະຍາກອນທໍາມະຊາດຕ້ອງຖືເອົາການຕິດຕາມ, ກວດກາປົກກະຕິ, ກວດກາເລີ່ມແຕ່ຫົວທີເປັນຕົ້ນຕໍ, ຖືເອົາການກວດກາຕາມຄໍາສັ່ງ, ຕາມຄໍາຮ້ອງຄໍາສະເໜີ ແລະ ຕາມຜົນການກວບສອບເປັນອັນຈໍາເປັນ. ພ້ອມນີ້, ການກວດກາແຕ່ລະເປົ້າໝາຍຕ້ອງຮອບຄອບ, ພາວະວິໄສ, ເລິກເຊິ່ງ ເຖິງກົກເຖິງຮາກ, ຖືກຕາມກົດໝາຍ ແລະ ຄວາມເປັນຈິງ, ຊັດເຈນ ແລະ ເປັນທໍາ. ສໍາລັບການສະກັດກັ້ນ ແລະ ຕ້ານການສໍ້ລາດບັງຫຼວງ ໃຫ້ຖືເອົາການສຶກສາອົບຮົມເປັນຕົ້ນຕໍເອົາການແກ້ໄຂຕາມກົດໝາຍເປັນມາດຕະການທີ່ຈໍາເປັນ. ດັ່ງນັ້ນ, ຄະນະພັກ, ພະນັກງານການນໍາແຕ່ລະຂັ້ນໂດຍສະເພາະຜູ້ເປັນຫົວໜ້າຕ້ອງເປັນແບບຢ່າງທີ່ດີໃນການດໍາລົງຊີວິດ, ບໍ່ສວຍໃຊ້ໜ້າທີ່ຕໍາແໜ່ງ, ປະຕິບັດລະບຽບວິໄນຂອງພັກ, ກົດໝາຍລະບຽບການຕ່າງໆຂອງລັດຢ່າງເຂັ້ມງວດ.
 

ມອບ-ຮັບຫົວໜ້າກົມກວດກາລັດທ້ອງຖິ່ນ

ອີເມລ ພິມ PDF
 img 7327
 

ມອບ-ຮັບຫົວໜ້າກົມກວດກາລັດທ້ອງຖິ່ນ

   12 ກັນຍາ2016 ທີ່​ຜ່ານ​ມາຄະນະ​ພັກ, ຄະນກວດກາ​ສູນ​ກາງ​ພັກ-ອົງການ​ກວດກາ​ລັດຖະບານ​ໄດ້​ມີ​ພິທີ​ມອບ-ຮັບໜ້າທີ່​ຫົວໜ້າ​ກົມ​ກວດກາ​ລັດ​ທ້ອງ​ຖິ່ນຄົນ​ໃໝ່ ​ລະຫວ່າງ​ທ່ານ ປະ​ເສີດ​ສັກ ອຸ​ເທ​ນທະ​ປັນຍາ ຮັກສາ​ການ​ຫົວໜ້າ​ກົມ​ກວດກາ​ລັດ​ທ້ອງ​ຖິ່ນ (ຫົວໜ້າ​ກົມຜູ້​ເກົ່າ) ​ແລະ ທ່ານ ວົງ​ອຸ​ໄທ ສັນຕິ​ໄຊ (ຫົວໜ້າ​ກົມຜູ້​ໃໝ່), ໃຫ້ກຽດ​ເຂົ້າ​ຮ່ວມ​ຂອງ​ທ່ານ ຄໍາສຸກບຸນຍະວົງ ຮອງປະທານຄະນະກວດກາສູນກາງພັກ, ຮອງປະທານອົງການກວດກາລັດຖະບານ, ຮອງ​ຫົວໜ້າ​ອົງການ​ຕ້ານ​ການ​ສໍ້​ລາດ​ບັງຫຼວງຂັ້ນສູນ​ກາງ(ຜູ້ຊີ້ນໍາກົມ), ມີຕາງໜ້າຈາກກົມຈັດຕັ້ງພັກ-ພະນັກງານ, ຮອງຫົວໜ້າກົມ ພ້ອມດ້ວຍພະນັກງານຫຼັກແຫຼ່ງກົມກວດກາລັດທ້ອງຖິ່ນເຂົ້າຮ່ວມຢ່າງພ້ອມພຽງ.

    ພິທີ​ດັ່ງກ່າວ, ທ່ານ​ ປະ​ເສີດ​ສັກ ອຸ​ເທ​ນທະ​ປັນຍາ (ຮັກສາ​ການຫົວໜ້າ​ກົມ​ຜູ້​ເກົ່າ) ​ໄດ້​ຂຶ້ນ​ລາຍ​ງານ​ການຈັດຕັ້ງປະຕິບັດ​ວຽກງານ​ພາຍ​ໃນ​ກົມ​​ ​ໄລຍະໜຶ່ງ​ປີ​ທີ່​ຜ່ານ​ມາ ​ແລະ ​ແຜນການ​ວຽກງານ​ໃນຕໍ່ໜ້າ, ຈາກ​ນັ້ນ, ທ່ານ ວົງ​ອຸ​ໄທ ສັນຕິ​ໄຊ (ຫົວໜ້າ​ກົມ​ຜູ້​ໃໝ່) ​ໄດ້​ຂຶ້ນກ່າວ​ຮັບ​ໜ້າ​ທີ່​ ແລະ ​ໃຫ້​ຄໍາ​ໝັ້ນສັນຍາ ຈະ​ສືບ​ຕໍ່​ຊີ້​ນໍາ-ນໍາພາ​ກົມ​ກວດກາ​ລັດ​ທ້ອງ​ຖິ່ນ​ຈັດຕັ້ງປະຕິບັດວຽກງານ​ຕາມ​ພາລະ​ບົດບາດ, ສິດ ​ແລະ ໜ້າ​ທີ່ຂອງ​ກົມ ​​ແລະ ຂອງ​ຕົນ​ໃຫ້​ດີ​ທີ່​ສຸດ ​ພ້ອມ​ສືບຕໍ່ຈັດຕັ້ງປະຕິບັດ​ບັນດາ​ວຽກງານ​ທີ່​ຍັງ​ຄົງ​ຄ້າງ​ນັ້ນ​ໃຫ້​ສໍາ​​ເລັດ​ບັນລຸ​ຕາມ​ລະດັບ​ຄາດໝາຍ​ທີ່​ການຈັດຕັ້ງມອບ​ໝາຍ​ໃຫ້.

   ໂອກາດນີ້, ທ່ານ ຄໍາສຸກ ບຸນຍະວົງຮອງປະທານຄະນະກວດກາສູນກາງພັກ, ຮອງປະທານອົງການກວດກາລັດຖະບານ(ຜູ້ຊີ້ນໍາກົມ) ກໍໄດ້ໃຫ້ກຽດໂອ້ລົມແລະມີຄໍາເຫັນ​ ​ດັ່ງນີ້: ຮຽກຮ້ອງ​​​​​ພະນັກງານທຸກຂັ້ນໃຫ້ສືບຕໍ່ຄວາມສາມັກຄີ, ​ອຸ່ນອ່ຽນທຸ່ນທ່ຽງ,ຮັບຮູ້ແລະເຂົ້າ​​ໃຈຕໍ່ກັບການປັບປຸງການຈັດຕັ້ງພະນັກງານຂັ້ນກົມໃນຄັ້ງນີ້ໂດຍອີງໃສ່ຕາມຄວາມຮຽກຮ້ອງຕ້ອງການຂອງໜ້າວຽກແລະ ປະຕິບັດຕາມກົດໝາຍລັດຖະກອນແລ້ວພ້ອມກັນປະຕິບັດໜ້າທີ່ວຽກງານຂອງຕົນຕາມການມອບໝາຍຂອງຂັ້ນເທິງຢ່າງມີຄວາມຮັບຜິດຊອບ; ພະນັກງານການນໍາກົມຕ້ອງເອົາໃຈໃສ່ພ້ອມກັນຄົ້ນຄວ້າສ້າງແຜນການ​ ແລະ ແບ່ງງານແບ່ງຄວາມຮັບຜິດຊອບໃຫ້ພະນັກງານພາຍໃນກົມຕາມຄວາມອາດສາ ມາດແລະຄວາມເໝາະສົມໃນແຕ່ລະຕໍາແໜ່ງງານແລ້ວພ້ອມກັນສືບຕໍ່ປັບປຸງແກ້ໄຂບາງວຽກງານທີ່ຍັງຄົງຄ້າງ, ​ປະສານສົມທົບກັບກົມ​-ພາກສ່ວນທີ່ກ່ຽວຂ້ອງໃຫ້ສະໜິດແໜ້ນເພື່ອ​​ໃຫ້ການຈັດຕັ້ງປະຕິບັດວຽກງານມີຄວາມສະດວແລະ ມີປະສິດທິຜົນສູງ.

 

 

6 ກັນຍາ 2016 ກອງປະຊຸມທາບທາມບຸກຄະລາກອນຮອບ 1 ກຽມໃສ່ກອງປະຊຸມອົງຄະນະພັກຄັ້ງທີ 3

ອີເມລ ພິມ PDF
 img 7189
 img 7205

ກອງ​ປະຊຸມ​ທາ​ບທາມຮ່າງ​ລາຍ​ງານ​ການ​ເມື​ອງ ​ແລະ ​ບຸກຄະລາ​ກອນ(ຮອບ 1)

ເພື່ອ​ກະກຽມກອງ​ປະຊຸມ​ໃຫຍ່​ ສະມາຊິກ​ພັກ ຄັ້ງ​ທີ III ຂອງ​ອົງຄະ​ນະ​ພັກ​ຄະນະ​ກວດກາ​ສູນ​ກາງ​ພັກ

   6 ກັນຍາ 2016 ທີ່​ຜ່ານ​ມາຄະນະ​ພັກ, ຄະນກວດກາ​ສູນ​ກາງ​ພັກໄດ້ຈັດກອງ​ປະຊຸມ​ທາ​ບທາມຮ່າງ​ລາຍ​ງານ​ການ​ເມື​ອງ ​ແລະ ​ບຸກຄະລາ​ກອນ(ຮອບ 1) ​ເພື່ອ​ກະກຽມກອງ​ປະຊຸມ​ໃຫຍ່​ສະມາຊິກ​ພັກ ຄັ້ງ​ທີ III ຂອງ​ອົງຄະ​ນະ​ພັກ​ຄະນະ​ກວດກາ​ສູນ​ກາງ​ພັກ ທີ່​ຈະ​ຈັດ​ຂຶ້ນ​ໃນ​ມໍ່ໆນີ້, ພາຍ​ໃຕ້​ການ​ເປັນ​ປະທານ​ຂອງ ສະຫາຍ ປອ. ບຸນທອງ ຈິດມະນີ ກໍາມະການກົມການເມືອງສູນກາງພັກ, ເລຂາທິການສູນກາງພັກ, ​ເລ​ຂາ​ຄະນະ​ພັກ, ປະທານຄະນະກວດກາສູນກາງພັກ, ມີຕາງໜ້າ​ຈາກ ຄະນະ​ຈັດຕັ້ງສູນ​ກາງ​ພັກ ສະຫາຍ ປອ. ວິ​ສຸກ ພົມ​ພິທັກ ຫົວໜ້າ​ກົມ​ຈັດຕັ້ງ ​ແລະ ກົດ​ລະບຽບຂອງ​ພັກ, ມີບັນດາສະຫາຍຮອງປະທານຄະນະກວດກາສູນກາງພັກ, ​ເລຂາ-ຮອງເລຂາບັນດາໜ່ວຍພັກ ພ້ອມດ້ວຍສະມາຊິກພັກທົ່ວຄະນະກວດກາສູນກາງພັກເຂົ້າຮ່ວມທັງໝົດ 89 ສະຫາຍ.

   ໂອກາດ​ນີ້, ສະຫາຍ ປອ. ບຸນທອງ ຈິດມະນີ ​ໄດ້​ໃຫ້ກຽດ​​ໂອ້​ລົມ​ແລະ​ໃຫ້ທິດ​ຊີ້​ນໍາ​ກອງ​ປະຊຸມ​ດັ່ງກ່າວ ​ໂດຍ​ສະຫາຍ​ໄດ້​ເນັ້ນໜັກ​ໃຫ້ການ​ກະກຽມກອງ​ປະຊຸມ​ໃຫຍ່​ໃນ​ຄັ້ງນີ້​ໃຫ້​ເຕັ້ມ​ໄປ​ດ້ວຍ​ເນື້ອ​ໃນ​ທີ່​ສົມບູນ-ມີ​ຂະ​ບວນຟົດຟຶ້ນ​​ ​ແລະ ​​ຕ້ອງ​ໄດ້​ເອົາ​ໃຈ​ໃສ່ບາງ​ບັນຫາດັ່ງ​ນີ້: ​ພະນັກ​ງານ-ສະມາຊິກ​ພັກ ທຸກ​ສະຫາຍ​ຕ້ອງ​ເອົາ​ໃສ່​ໃຈ​ປະຕິບັດ​ຕາມ​ກົດ​ລະບຽບພັກ, ກົດ​ໝາຍພະນັກງານ​ລັດຖະກອນ​ຢ່າງ​ເຂັມ​ງວດ; ຄະນະຮັບຜິດຊອບ​ກອງ​ປະຊຸມ​ ຕ້ອງ​ເອົາ​ໃຈ​ໃສ່​ຄົ້ນຄວ້າ​ກະກຽມ​ເນື້ອ​ໃນ​ສໍາຄັນ​ຂອງ​ບົດ​ລາຍ​ງານ​ການ​ເມືອງ ​ແລະ ທິດ​ທາງ​ແຜນການ 5 ປີ​ຂອງ​ອົງຄະ​ນະ​ພັກ, ບົດ​ສໍາຫຼວດນໍາພາ​ລວມຂອງ​ຄະນະ​ພັກ​ໃນ​ໄລຍະ 5 ປີຜ່ານມາ(2011-2016); ​ເອົາ​ໃຈ​ໃສ່​ວຽກງານ​ດໍາ​ເນີນ​ຊີວິດ​ການ​ເມືອງ​ຂອງ​ສະມາຊິກ​ພັກພາຍ​ໃນ​ແຕ່ລະໜ່ວຍພັກ​ເພື່ອ​ປັບ​ປຸງ​ປົວ​ແປງ​ພາຍ​ໃນ​ໜ່ວຍ​ພັກ ​ແລະ ດໍາ​ເນີນ​ການ​ທາ​ບທາມ​ບຸ​ຄະ​ລາກ​ອນຕາມ​ມາດຖານ​ເງື່ອນ​ໄຂ ​ໂດຍ​ຫັນ​​ເອົາ 4 ​ເນື້ອ​ໃນໃຫ້ເປັນອັນລະອຽດໃນຂໍ້ແຂ່ງຂັນ.

   ພ້ອມກັນນັ້ນ, ສະຫາຍ ສີໃນ ມຽງລາວັນ ຮອງເລຂາຄະນະພັກ, ຮອງປະທານຄະນະກວດກາສູນກາງພັກ ໄດ້ສະເໜີຜ່ານຮ່າງບົດລາຍງານການເມືອງ ແລະ ທິດທາງແຜນການ 5 ປີຂອງອົງຄະນະພັກ ຄະນະກວດກາສູນກາງພັກ ແລະ ຮ່າງບົດສໍາຫຼວດນໍາພາລວມຂອງຄະນະພັກໃນໄລຍະ 5 ປີທີ່ຜ່ານມາໂດຍແມ່ນ ສະຫາຍ ຄໍາສຸກ ບຸນຍະວົງ ໃຫ້ກຽດຂຶ້ນຜ່ານ. 

 ຈາກນັ້ນ, ສະມາຊິກພັກ ​ແຕ່ລະໜ່ວຍພັກ ທຸກສະຫາຍກໍໄດ້ພ້ອມກັນຄົ້ນຄວ້າປະກອບຄໍາເຫັນ​ໃສ່​ຮ່າງ​ບົດ​ລາຍ​ງານ​ການ​ເມືອງ ​ແລະ ທິດ​ທາງ​ແຜນການ 5 ປີ​ໃນຕໍ່ໜ້າ.

   ໃນ​ຕອນ​ທ້າຍ​ຂອງ​ກອງ​ປະຊຸມໄດ້​​ຜ່ານ​ມາດຖານ​ເງື່ອນ​ໄຂ​ຜູ້​ສະໝັກຄະນະ​ບໍລິຫານ​ງານ​ພັກ ​ແລະ ດໍາ​ເນີນ​ການ​ທາບທາມ​ບຸກຄະລາກອນ ຮອບ 1.

 
ໜ້າທີ 1 ​ຂອງທັງ​ໝົດ 7 ໜ້າ
ຂະນະນີ້ທ່ານຢູ່ທີ່: ໜ້າ​ຫຼັກ ຂ່າວ​ ແລະ ເຫດ​ການ