Welcome to SIA

    ພ້ອມກັນຕ້ານການສໍ້ລາດບັງຫຼວງທຸກຮູບແບບ

ຄະນະ​ກວດກາ ລາວ-ຫວຽດນາມ ​ເພີ່ມ​ທະວີ​ການ​ຮ່ວມ​ມື

ອີເມລ ພິມ PDF

lao-viet 1

 ເພື່ອ​ເປັນ​ການ​ສືບຕໍ່​ເພີ່ມ​ທະວີ​ຮັດ​ແໜ້ນ​ຄວາມ​ສາມັກ​ຄີ ລະຫວ່າງ 2 ຄະນະ​ກວດກາພັກລາວ ​ແລະ ຫວຽດນາມ,ທັງ​ເປັນ​ການ​ແລກປ່ຽນ​ບົດຮຽນ​ກ່ຽວ​ກັບ​ວຽກ​ງານ​ກວດກາ​ພັກ ​​ໃຫ້ນັບ​ມື້ກ້າວ​​ເຂົ້າສູ່​ລວງ​ເລິກ ​ແລະ ອີງ​ຕາມ​ແຜນການ​​ເຄື່ອນ​ໄຫວ​ຮ່ວມ​ມືລະຫວ່າງ​ຄະນະກວດກາ​ພັກ ສ.ປ.ປ ລາວ ແລະ ສ.ສ ຫວຽດນາມ ​ເວົ້າລວມ, ​ເວົ້າສະ​​ເພາະ​ແມ່ນ​ຂັ້ນທ້ອງ​ຖິ່ນ, ​ໃນ​ລະ​ຫວ່າງວັນ​ທີ 11-13 ມິຖຸນາ 2013 ຄະນະ​ຜູ້​ແທນ​ຂັ້ນສູງຄະນະ​ກວດກາ​ພັກແຂ​ວງ ກວາງ​ຈິ-ສ.ສ ຫວຽດນາມ  ​ໄດ້​ເດີນທາງ​ມາ​ຢ້ຽມຢາມ ​ແລະ ​ເຮັດ​ວຽກ​ຢູ່ ສ.ປ.ປ ລາວ ນຳ​ໂດຍ​ສະຫາຍ​ເຈີ້ນວັນ​ຮວິ​ງ ຄະນະ​ປະຈຳ​ພັກ​ແຂວງ, ປະທານ​ຄະນະ​ກຳມະການ​ກວດກາພັກ​ແຂວງ ກວາງ​ຈິ ພ້ອມ​ຄະນະ. 

lao-viet 2

ໃນ​ວັນ​ທີ 12 ມິ​ຖຸນາ 2013, ຄະນະ​ຜູ້​ແທນ​ຂັ້ນສູງ​ຄະນະ​ກວດກາພັກ​ແຂວງ ກວາງ​ຈິ-ສ.ສ ຫວຽດນາມ ​ໄດ້​​ເຂົ້າຢ້ຽມ​ຂຳນັບ ທ່ານ ທອງ​ສີ ອ້ວນ​ລາສີ ຮອງ​ປະທ​ານຄະນະ​ກວດກາ​ສູນ​ກາງ​ພັກ​ແຫ່ງ ສ.ປ.ປ ລາວ, ໃນ​ພິທີ​ດັ່ງກ່າວ ທ່ານ ທອງ​ສີ ອ້ວນລາສີ ​ຮອງ​ປະທານຄະນະ​ກຳມະການ​ກວດກາ​ສູນພັກໄດ້​ສະ​ແດງ​ຄວາມ​ຊົມ​ເຊີຍ ພ້ອມ​ທັງ​ຕີ​ລາຄາ​ສູງ ​ແລະ ຖືວ່າ​ການມາ​ຢ້ຽມຢາມໃນ​ຄັ້ງນີ້ຂອງ​ຄະນະ​​ແມ່ນ​ມີ​ ຄວາມ​ໝາຍ​ສຳຄັນ​ຢ່າງ​ຍິ່ງ ຊຶ່ງ​ບັນດາ​ສະຫາຍ​ບໍ່​ພຽງ​ແຕ່​ໄດ້​ນຳ​ເອົາ​ນ້ຳ​ໃຈ​​ໄມຕີ ຈິດ​ມິດຕະພາບ, ຄວາມ​ສາມັກຄີ​ພິ​ເສດ ​ແລະ ການ​ຮ່ວມ​ມືຮອບດ້ານ​ ລະຫວ່າງ ລາວ-ຫວຽດນາມ ​ເວົ້າລວມ, ​ເວົ້າສະ​ເພາະ​​ແມ່ນ​ຂັ້ນທ້ອງ​ຖິ່ນ​ ລາວ-ຫວຽດນາມ ​ໄດ້ມີ​ການ​ພົວພັນ​ແລກປ່ຽນ​ເປັນ​ປົກກະຕິອັນ​ນີ້ມັນ​ໄດ້​ກາຍ​ເປັນ​ການ​ເພີ້ມພູນ​ຄູນ​ສ້າງສາ​ຍພົວພັນ​ມິຕະພາບອັນ​ດີງາມ​ທີ່​ເປັນ​ມູນ​ເຊື້ອ ​ແລະ ການ​ຮ່ວມ​ມືຮອບດ້ານ​ລະຫວ່າງ​ສອງ​ພັກ-ສອງ​ລັດ ​ແລະ ປະຊາຊົນ​ສອງ​ຊາດ​ລາວ-ຫວຽດນາມ ນັບ​ມື້ນັບ​ເກີດດອກ​ອອກ​ຜົນ ​ແລະ ຈະ​ເລີ​ນງອກ​ງາມ​ຍິ່ງໆ ຂື້ນ. ຈາກ​ນັ້ນທ່ານກໍ່​ໄດ້​ແຈ້ງບາງ​ສະພາບ​ທີ່ພົ້ນ​ເດັ່ນ​ຂອງ ສ.ປ.ປ ລາວ; ການ​ເຄື່ອນ​ໄຫວ​ການ​ກວດກາ​ລັດ-ຕ້ານ​ການ​ສໍ້​ລາດ​ບັງ​ຫຼວງ ​ໃນ​ຊຸມ​ປີຜ່ານມາ​ໃຫ້​ຝ່າຍ ຫວຽດນາມ ຊາບໂດຍ​ສັງ​ເຂ​ບ ​ແລະ ຝ່າຍຫວຽດນາມ ກໍ່​ໄດ້​ແຈ້ງ​ສະພາບ​ການ​ພັດທະນາ​ເສດຖະກິດ​ພາຍ​ໃນ​ປະ​ເທດ, ຜົນສຳ​ເລັດ​ໃນ​ການ​ເຄື່ອນ​ໄຫວ​ວຽກ​ງານ​ກວດກາ​ພັກ ​ຕາມ​ພາລະ​ບົດບາດ​ໃນ​ໄລຍະຜ່ານມາ​​ໂດຍ​ສັງ​ເຂ​ບ​ໃຫ້​ຝ່າຍ​ລາວ​ໄດ້​ຮັບ​ຊາບ ຫຼັງ​ຈາກ​ນັ້ນຄະນະ​ຜູ້​ແທນ​ດັ່ງກ່າວກໍ່​​ໄດ້​ທ່ຽວ​ຊົມ ​ແລະ ຢ້ຽມຢາມ​​ແຫຼ່ງທ່ຽວ​ທ່ອງ​ວັດທະນາ​ທຳ​ຈຳນວນ​ໜຶ່ງ​ຢູ່​ນະຄອນຫຼວງ​ວຽງ​ຈັນ. 

 
ຂະນະນີ້ທ່ານຢູ່ທີ່: ໜ້າ​ຫຼັກ ຂ່າວ​ ແລະ ເຫດ​ການ ຄະນະ​ກວດກາ ລາວ-ຫວຽດນາມ ​ເພີ່ມ​ທະວີ​ການ​ຮ່ວມ​ມື