Welcome to SIA

    ພ້ອມກັນຕ້ານການສໍ້ລາດບັງຫຼວງທຸກຮູບແບບ

ສປປ ລາວ ເປັນເຈົ້າພາບຈັດກອງປະຊຸມກອງເລຂາ ຊີ-ແພັກ

ອີເມລ ພິມ PDF

SEE pact1.1

 

 

 

 

ໃນລະຫວ່າງວັນທີ 25–26 ມິຖຸນາ 2014 ນີ້ກອງປະຊຸມກອງເລຂາການຈັດຕັ້ງພາຄີຕ້ານ ການສໍ້ລາດບັງຫຼວງຂົງເຂດ

ອາຊີຕາເວັນອອກສຽງໃຕ້ຄັ້ງທີ 10 ໄດ້ຈັດຂຶ້ນ ຢ່າງເປັນທາງານ ທີ່ແຂວງ ຫຼວງພະບາງ

 

ໂດຍການເປັນເຈົ້າພາບຂອງອົງການກວດກາລັດຖະບານ ແລະຕ້ານການສໍ້ລາດບັງຫຼວງແຫ່ງ ສປປ ລາວ ເຊິ່ງໃຫ້ກຽດ

ເປັນປະທານໂດຍ ທ່ານ ບຸນປອມ ສັງສົມສັກ ຮອງປະທານອົງ ການກວດກາ​ລັດຖະບານ, ຮອງ​ຫົວໜ້າ​ອົງການຕ້ານ

ການສໍ້ລາດບັງຫຼວງຂັ້ນສູນກາງ ພ້ອມນີ້ ຍັງມີບັນດາສະມາຊິກອີກ 8 ປະເທດເຂົ້າຮ່ວມຄື: ບຣູ​ໄນ, ກຳປູ​ເຈຍ, ອິນ​ໂດ

​ເນ​ເຊຍ, ມາ​ເລ​ເຊຍ, ມຽນມາ, ສິງ​ກາ​ໂປ, ​ໄທ ​ແລະ ຫວຽດນາມ.

      ກອງປະຊຸມຄັ້ງນີ້ຈັດຂຶ້ນເພື່ອສືບຕໍ່ຈາກກອງປະຊຸມປະຈໍາປີການຈັດຕັ້ງພາຄີ​ຕ້ານ​ການ​ສໍ້​ລາດ​ບັງ​ຫຼວງ​ຂົງ​ເຂດ​ອາຊີ​

ຕາ​ເວັນ​ອອກສຽງ​ໃຕ້ (ຊີ​-​ແພັກ) ຄັ້ງທີ 9 ທີ່ໄດ້ຈັດຂຶ້ນຢູ່ນະຄອນຫຼວງວຽງຈັນ ໃນລະຫວ່າງວັນທີ 14–15ພະຈິກ2013

ຜ່ານມາ ເຊິ່ງຜູ້ເຂົ້າຮ່ວມໄດ້ສືບຕໍ່ສົນທະນາແລກປ່ຽນບົດຮຽນປະສົບການໃນການ ສະກັດກັ້ນ ແລະ ຕ້ານການສໍ້ລາດບັງ

ຫຼວງ ແລະ ບົດຮຽນກ່ຽວກັບການແຈ້ງຊັບສິນ ຂອງແຕ່ລະປະເທດ. ສໍາລັບ ສປປ ລາວ ແມ່ນ ໄດ້ສະເໜີບົດກ່ຽວກັບ

ການແຈ້ງຊັບສິນ ໂດຍໄດ້ຍົກໃຫ້ເຫັນຈຸດປະສົງການແຈ້ງຊັບສິນ ແລະ ລາຍຮັບຂອງພະນັກງານ-ລັດຖະກອນ, ທະຫານ,

ຕໍາຫຼວດ, ລັດວິສາຫະກິດປະສົມ ແລະ ພະນັກງານລັດວິສາຫະກິດຮຸ້ນສ່ວນຕໍ່ຜູ້ແທນທີ່ເຂົ້າຮ່ວມກອງປະຊຸມດັ່ງກ່າວເພື່ອ

ຮັບຊາບຄື: ປະເພດຊັບສິນ ແລະ ລາຍຮັບທີ່ຕ້ອງແຈ້ງມີດັ່ງນີ້:

1) ທີ່ດິນ, ເຮືອນ, ການສືບທອດມູນມໍລະດົກແລະສິ່ງປຸກສ້າງອື່ນໆ, ພາຫະນະປະ ເພດຕ່າງໆ, ວັດຖຸເຕັກນິກທີ່

ນໍາໃຊ້ເຂົ້າໃນການຜະລິດ, ວັດຖຸມີຄ່າເປັນຕົ້ນ: ເງິນ, ຄໍາ, ພັນ ທະບັດ, ໃບຫຸ້ນ, ເງິນຝາກຢູ່ພາຍໃນແລະ ຕ່າງ

ປະເທດ, ຊັບສິນອື່ນໆ, ໜີ້ຕ້ອງຮັບ ແລະ ໜີ້ຕ້ອງສົ່ງແຕ່ລະປະເພດທີ່ມີມູນຄ່າແຕ່ 20 ລ້ານກີບຂຶ້ນໄປ.

      2) ປະເພດລາຍຮັບທີ່ຕ້ອງແຈ້ງ, ເງິນເດືອນ, ເງິນອຸດໜູນ, ເງິນບໍາເນັດ, ລາຍໄດ້ ຈາກການສ້າງເສດຖະກິດ

     ຄອບຄົວ, ການດໍາເນີນທຸລະກິດ, ການຂາຍ, ການໃຫ້ເຊົ່າ, ການ ໃຫ້ກູ້ຢືມ, ດອກເບ້ຍເງິນຝາກ, ຂອງຂວັນ, ລາງ

     ວັນ (ສະເພາະຂອງຂວັນ ແລະ ລາງ ວັນ ມູນຄ່າແຕ່ 5 ລ້ານກີບຂຶ້ນໄປ), ການໃຫ້ບໍລິການ, ຊັບສິນທາງປັນຍາ

     ແລະ ລາຍຮັບ ອື່ນໆ;

3) ເປົ້າໝາຍຜູ້ແຈ້ງຊັບສິນ ແລະ ລາຍຮັບແມ່ນນັບແຕ່ ພະນັກງານການນໍາຂັ້ນ ສູງສຸດ ຕະຫຼອດຮອດພະນັກງານ

ນໍາພາຄຸ້ມຄອງ;ພະນັກງານ-ລັດຖະກອນໃນການຈັດຕັ້ງພັກ-ລັດ; ພະນັກງານ - ລັດຖະກອນໃນອົງການຈັດຕັ້ງແນວ

ລາວສ້າງຊາດແລະອົງການຈັດຕັ້ງມະ ຫາຊົນ; ພະນັກງານລັດວິສາຫະກິດ, ລັດວິສາຫະກິດປະສົມ, ລັດຮຸ້ນສ່ວນ;

ພະນັກງານໃນ ກໍາລັງປະກອບອາວຸດທະຫານ,ຕໍາຫຼວດຜູ້ທີ່ມີຊັ້ນຕໍາແໜ່ງແຕ່ຂັ້ນນາຍຮ້ອຍຂຶ້ນໄປແລະພະນັກ ງານ

ຜູ້ທີ່ເຮັດວຽກດ້ານເສດຖະກິດການເງິນ.

    ນອກຈາກນີ້ ກອງປະຊຸມໄດ້ປຶກສາຫາລື ແລະ ຕົກລົງເປັນເອກະພາບບາງບັນຫາຄື:

      1) ກ່ຽວກັບການຈັດກອງປະຊຸມພາຄີຕ້ານການສໍ້ລາດບັງຫຼວງຂົງເຂດອາຊີຕາເວັນ ອອກ ສ່ຽງໃຕ້ ຄັ້ງທີ 10. 

      2) ກ່ຽວກັບການສ້າງເຄື່ອຄ່າຍເວັບໄຊຂອງບັນດາການຈັດຕັ້ງພາຄີຕ້ານການສໍ້ລາດບັງ ຫຼວງຂົງເຂດອາຊີຕາເວັນ

      ອອກສ່ຽງໃຕ້ ແລະ ບັນຫາອື່ນໆ ທີ່ສຳຄັນອີກຈຳນວນໜຶ່ງ.

         ກອງປະຊຸມຄັ້ງນີ້ໄດ້ດຳເນີນໄປດ້ວຍບັນຍາກາດອັນດີ ແລະ ມີຜົນສຳເລັດຕາມຈຸດປະສົງຄາດ ໝາຍທີ່ວາງໄວ້. 

 
ຂະນະນີ້ທ່ານຢູ່ທີ່: ໜ້າ​ຫຼັກ ຂ່າວ​ ແລະ ເຫດ​ການ ສປປ ລາວ ເປັນເຈົ້າພາບຈັດກອງປະຊຸມກອງເລຂາ ຊີ-ແພັກ