Welcome to SIA

    ພ້ອມກັນຕ້ານການສໍ້ລາດບັງຫຼວງທຸກຮູບແບບ

ຂ່າວ ແລະ ເຫດ​ການ​ລ່າ​ສຸດ

ຂ່າວ​າ​ສານ ແລະ ເຫດ​ການ​ລ່າ​ສຸດ​ຂອງ ອກ​ລ



ສະຫາຍ​ ປອ. ບຸນທອງ ຈິດມະນີ ໂອ້ລົມຕໍ່ກອງ​ປະຊຸມ​ວຽກ​ງານກວດກາປະຈຳ​ປີ 2015 ຂອງກະຊວງສາທາລະນະສຸກ

ອີເມລ ພິມ PDF

 img 3814img 3822 k

ສະຫາຍ ປອ. ບຸນທອງ ຈິດມະນີ

ໂອ້ລົມຕໍ່ກອງປະຊຸມວຽກງານກວດກາປະຈຳປີ 2015 ຂອງກະຊວງສາທາລະນະສຸກ

  ສະຫາຍ ປອ. ບຸນທອງ ຈິດມະນີ ກໍາມະການກົມການເມືອງສູນກາງພັກ, ເລຂາທິການສູນກາງພັກ, ຮອງນາຍົກລັດຖະມົນຕີ ແຫ່ງ ສປປ ລາວ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ, ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ໂອ້ລົມ ຕໍ່ພິທີປິດກອງປະຊຸມວຽກງານກວດກາປະຈໍາປີ 2015 ຂອງກະຊວງສາທາລະນະສຸກ ເຊິ່ງໄດ້ ຈັດຂຶ້ນ ໃນວັນທີ 28 ມິຖຸນາ 2016 ທີ່ສະໂມ ສອນ ກະຊວງສາທາລະນະສຸກ ໂດຍການເປັນປະທານຮ່ວມຂອງ ສະຫາຍ ຮສດຣ. ບຸນກອງ ສີຫາວົງ ລັດຖະມົນຕີກະຊວງສາທາລະນະ ສຸກ, ສະຫາຍ ສີໃນ ມຽງລາວັນ ຮອງເລຂາຄະນະພັກ, ຮອງປະທານຄະນະກວດກາສູນກາງພັກ-ອົງການກວດກາລັດຖະບານ, ສະຫາຍ ຄໍາພອນ ພຸດທະວົງ ເລຂາຄະນະພັກກະຊວງ, ຮອງລັດຖະມົນຕີກະຊວງສາທາລະນະສຸກ, ສະຫາຍ ດຣ. ສົມທະວີ ຈາງວີສົມມິດ ຄະນະປະຈໍາພັກກະຊວງ, ປະທານ ກວດກາພັກກະຊວງ ສາທາລະນະສຸກ, ຄະນະປະຈໍາພັກ, ຫົວໜ້າສະຖາບັນສູນ, ຜູ້ອໍານວຍການໂຮງໝໍ ແລະ ຜູ້ເຮັດວຽກງານກວດກາເຂົ້າຮ່ວມ ຈໍານວນ 154 ສະຫາຍ, ຍິງ 47 ສະຫາຍ.

  ກອງປະຊຸມໄດ້ຜ່ານ ບົດສະຫຼຸບຕີລາຄາການເຄື່ອນໄຫວວຽກງານກວດກາກະຊວງສາທາລະນະສຸກ ແລະ ທິດທາງແຜນການປະຈໍາປີ 2016, ແລະ ເຜີຍແຜ່ບົດໂອ້ລົມຂອງ ສະຫາຍ ບຸນຍັງ ວໍລະຈິດ ເລຂາທິການໃຫຍ່ສູນກາງພັກປະຊາຊົນປະຕິວັດລາວ ຕໍ່ກອງປະຊຸມວຽກ ງານກວດກາທົ່ວປະເທດປະຈໍາປີ 2015, ບົດແນະນໍາເລກທີ 307/ອກລ ລົງວັນທີ 30/9/2015 ວ່າດ້ວຍລະບຽບການຄຸ້ມຄອງ ແລະ ນໍາໃຊ້ ເອກະສານແຈ້ງຊັບສິນ, ບົດບັນທຶກການປະສານ ລະຫວ່າງ ອົງການກວດກາລັດຖະບານ ແລະ ອົງການກວດສອບແຫ່ງລັດ, ໂອກາດດັ່ງກ່າວ ເປັນກຽດປາຖະກະຖາ ມູນເຊື້ອວັນສ້າງຕັ້ງອົງການກວດກາລັດຖະບານ ຄົບຮອບ 34 ປີ (16/2/1982-16/2/2016) ໂດຍ ສະຫາຍ ສີໃນ ມຽງລາວັນ ແລະ ບັນດາບົດແນະນໍາ ຂອງອົງການກວດກາລັດຖະບານຈໍານວນໜຶ່ງ. 

  ຕອນທ້າຍກອງປະຊຸມສະຫາຍ ປອ. ບຸນທອງ ຈິດມະນີ ເປັນກຽດໂອ້ລົມຕໍ່ກອງປະຊຸມ ເຊິ່ງສະຫາຍໄດ້ສະແດງຄວາມເຫັນ ດີເປັນເອກະ ພາບຕໍ່ກອງປະຊຸມ ແລະ ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ນັ້ນແມ່ນຍ້ອນຄວາມເອົາໃຈໃສ່, ຄວາມເປັນເຈົ້າການຂອງຄະ ນະພັກ, ຄະນະນໍາ ຄະນະກວດກາ ແລະ ພະນັກງານຫຼັກແຫຼ່ງໃນການຈັດຕັ້ງປະຕິບັດວຽກງານ ກວດກາ. ພ້ອມນີ້, ສະຫາຍຍັງໄດ້ເນັ້ນໃຫ້ ເອົາໃຈໃສ່ ຕໍ່ບາງບັນຫາທີ່ຍັງຄົງຄ້າງເປັນຕົ້ນ ແມ່ນການຄົ້ນຄວ້າຫັນຍຸດທະສາດ ພັດທະນາການແພດ ບາງດ້ານບໍ່ທັນລະອຽດ-ຄົບຖ້ວນ; ຕາໜ່າງສາທາລະນະສຸກ ໂດຍລວມແມ່ນໄດ້ປົກຄຸມໃນທົ່ວປະເທດ ແຕ່ຍັງບໍ່ທັນຕອບສະໜອງໄດ້ຕາມຄວາມຮຽກຮ້ອງຕ້ອງການຕົວຈິງ; ການຂະຫຍາຍ ແລະ ປັບປຸງຄຸນນະພາບໂຮງໝໍ, ສຸກສາລາ ຢູ່ເຂດຫ່າງໄກສອກຫຼີກຍັງບໍ່ທັນດີແທ້; ການສ້າງບຸກຄະລາກອນແພດ ແລະ ການສຶກສາອົບຮົມ ແນວຄິດຍັງບໍ່ທັນດີເທົ່າທີຄວນ. ເພື່ອແກ້ໄຂບັນດາຂໍ້ຄົງຄ້າງນັ້ນ ສະຫາຍ ປອ. ບຸນທອງ ຈິດມະນີ ຍັງໄດ້ໃຫ້ທິດຊີ້ນໍາ ຕື່ມໂດຍໃຫ້ສືບຕໍ່ພ້ອມກັນກໍາແໜ້ນ ແລະ ເປີດຂະບວນແຂ່ງຂັນສູ້ຊົນຈັດຕັ້ງປະຕິບັດບັນດາຄາດໝາຍກອງປະຊຸມໃຫຍ່ຄັ້ງທີ X ຂອງພັກ ເວົ້າລວມ, ເວົ້າສະເພາະແມ່ນບັນດາຄາດໝາຍດ້ານວຽກງານສາທາລະນະສຸກ ແລະ ບັນດາຈິດໃຈມະຕິກອງປະຊຸມໃຫຍ່ຄັ້ງທີ VIII ຂອງອົງ ຄະນະພັກກະຊວງສາທາລະນະສຸກ, ທົບທວນຄືນຈິດໃຈເນື້ອໃນກອງປະຊຸມວຽກງານກວດກາທົ່ວປະເທດຄັ້ງທີ 2 ແລະ ບົດໂອລົມຂອງ ສະຫາຍເລຂາທິການໃຫຍ່ຕໍ່ກອງປະຊຸມດັ່ງກ່າວ, ສືບຕໍ່ຄົ້ນຄວ້າກໍາແໜ້ນມະຕິຂອງຄະນະບໍລິຫານງານສູນກາງພັກ ສະໄໝທີ IX ວ່າດ້ວຍ ການເພີ່ມທະວີວຽກງານຕິດຕາມ-ກວດກາ, ສະກັດກັ້ນ ແລະ ຕ້ານການສໍ້ລາດບັງຫຼວງ ໃນເງື່ອນໄຂໃໝ່; ຄະນະພັກ, ຄະນະນໍາ ແລະ ພະນັກງານທຸກລະດັບຕ້ອງບຸກທະລຸດ້ານທັດສະນະ ແລະ ຄວາມຮັບຮູ້ຕໍ່ວຽກງານຕິດຕາມ, ກວດກາ, ວຽກງານສະກັດກັ້ນ ແລະ ຕ້ານການ ສໍ້ລາດບັງຫຼວງໃນເງື່ອນໄຂປັດຈຸບັນໃຫ້ຖືກຕ້ອງ ພ້ອມທັງເພີ່ມທະວີ ວຽກງານ ຕິດຕາມກວດກາ ຖືເປັນວຽກທີ່ສໍາຄັນຕົ້ນຕໍ; ດ້ານວຽກງານ ການສະກັດກັ້ນ ແລະ ຕ້ານການສໍ້ລາດບັງຫຼວງ ບັນຫາທີ່ຕ້ອງໄດ້ເອົາໃຈໃສ່ແມ່ນສຶກສາອົບຮົມພະນັກງານ, ສະມາຊິກພັກ ໃຫ້ເຫັນຜົນຮ້າຍ ແລະ ຄວາມອັນຕະລາຍຂອງການສໍ້ລາດບັງຫຼວງ ແລະ ອື່ນໆ. 

  ກອງປະຊຸມວຽກງານກວດກາປະຈໍາປີໄດ້ດໍາເນີນມາເປັນເວລາ 2 ວັນ ໄດ້ອັດລົງໃນວັນ 28 ມິຖຸນາ 2016 ດ້ວຍຜົນສໍາເລັດອັນຈົບງາມ.

 

 

ກອງປະຊຸມວຽກງານກວດກາເມືອງ ບໍ່ແຕນ ແລະ ເມືອງ ແກ່ນທ້າວ

ອີເມລ ພິມ PDF

dsc 0167

dsc 0172

ສໍາເລັດກອງປະຊຸມວຽກງານກວດກາເມືອງ ບໍ່ແຕນ ແລະ ເມືອງ ແກ່ນທ້າ

   ໃນຕົ້ນເດືອນ ມິຖຸນາ 2016 ນີ້, ສະຫາຍ ດວງຕາ ໄຊວຸດ ກຳມະການ​ປະຈໍາພັກແຂວງ, ປະທານຄະນະກວດກາພັກແຂວງ, ຫົວໜ້າພະແນກກວດກາລັດແຂວງ ໄຊຍະບູລີ ໄດ້ເຂົ້າຮ່ວມ ແລະ ມີຄໍາເຫັນໂອ້ລົມຕໍ່ກອງປະຊຸມສະຫຼຸບວຽກງານກວດກາປະຈໍາປີ 2015 ແລະ ສະເໜີທິດທາງແຜນການປະຈໍາປີ 2016 ຂອງ 2 ເມືອງຄື: ເມືອງ ແກ່ນທ້າວ ແລະ ເມືອງ ບໍ່ແຕນ. ຢູ່ທີ່ເມືຶອງ ແກ່ນທ້າວ ກອງປະຊຸມດໍາເນີນພາຍໃຕ້ການເປັນປະທານຮ່ວມຂອງ ສະຫາຍ ສໍາລານ ສຸວັນນະໂຊດ ກຳມະການ​ພັກແຂວງ, ເລຂາພັກເມືອງ, ເຈົ້າເມືອງໆແກ່ນທ້າວ, ສະຫາຍ ປະເສີດ ອິນວົງຄຳ ຄະນະປະຈຳພັກເມືອງ, ປະທານຄະນະກວດກາພັກເມືອງ, ຫົວໜ້າຫ້ອງການ ກວດກາລັດເມືອງ ແລະ ຢູ່ທີ່ເມືອງ ບໍ່ແຕນ ແມ່ນພາຍໃຕ້ການເປັນປະທານຮ່ວມຂອງ ສະຫາຍ ບຸນເສນ ຈັນທະຜອງ ກຳມະການ​ພັກແຂວງ, ເລຂາພັກເມືອງ, ເຈົ້າເມືອງໆບໍ່ແຕນ, ສະຫາຍ ໄມແຍງ ເພັດກ້ວາງ ຄະນະປະຈໍາພັກເມືອງ, ປະທານຄະນະກວດກາ ພັກເມືອງ, ຫົວໜ້າຫ້ອງການກວດກາລັດເມືອງ.

   ກອງປະຊຸມໄດ້ສະຫຼຸບຕີລາຄາການຈັດຕັ້ງປະຕິບັດວຽກງານກວດກາປະຈໍາປີ 2015 ແລະ ວາງທິດທາງແຜນການປະຈໍາປີ 2016 ຂອງແຕ່ລະບ່ອນແມ່ນມີບັນດາສະຫາຍ ກໍາມະການປະຈໍາພັກເມືອງ, ກຳມະການພັກເມືອງ, ເລຂາໜ່ວຍພັກ, ສຳນັກງານ, ອົງການອ້ອມຂ້າງເມືອງ, ໂຮງຮຽນ, ບັນດາຜູ້ກວດກາແຕ່ລະໜ່ວຍພັກຂັ້ນເມືອງ ພ້ອມດ້ວຍຂັ້ນບ້ານ ເຂົ້າຮ່ວມຢ່າງພ້ອມພຽງ. ກອງປະຊຸມທັງສອງເມືອງ ໄດ້ຜ່ານບົດສະຫຼຸບໃນການຈັດຕັ້ງປະຕິບັດວຽກງານໃນ 1 ປີ ຜ່ານມາ ໂດຍຍົກໃຫ້ເຫັນດ້ານດີ-ດ້ານອ່ອນ ແລະ ຂໍ້ຄົງຄ້າງຂອງການປະຕິບັດວຽກງານໃນແຕ່ລະດ້ານ. ພ້ອມກັນນັ້ນ, ກໍ່ໄດ້ຮັບຟັງການເຜີຍແຜ່ເອກະສານ ບົດແນະນຳສະບັບເລກທີ 307/ອກລ, ລົງວັນທີ 30/9/2015 ວ່າດ້ວຍລະບຽບການຄຸ້ມຄອງ ແລະ ການນຳໃຊ້ສຳນວນເອກະສານແຈ້ງຊັບສິນ; ບົດບັນທຶກການ ປະສານງານລະຫວ່າງອົງການກວດກາລັດຖະບານ ແລະ ອົງການກວດສອບແຫ່ງລັດ; ຄໍາສັ່ງເລກທີ 15/ນຍ, ລົງວັນທີ 13 ພຶດສະພາ 2016 ວ່າດ້ວຍການເພີ່ມທະວີຄວາມເຂັ້ມງວດ ໃນການຄຸ້ມຄອງ ແລະ ກວດກາການຂຸດຄົ້ນໄມ້, ເຄື່ອນຍ້າຍໄມ້ ແລະ ທຸລະກິດໄມ້, ຄຳສັ່ງແນະນຳ ເລກທີ 099/ຈຂ,ຊຍ ລົງວັນທີ 1 ມີຖຸນາ 2016 ວ່າດ້ວຍການຜັນຂະຫຍາຍຄຳສັ່ງເລກທີ 15/ນຍ ລົງວັນທີ 13 ພຶດສະພາ 2016. ພ້ອມກັນນັ້ນ, ກໍໄດ້ຮັບຟັງການປະກອບຄໍາຄິດຄໍາເຫັນຂອງບັນດາກໍາມະການພັກເມືອງ, ເລຂາຄະນະພັກຮາກຖານ ກຸ່ມບ້ານ ແລະ ຜູ້ເຮັດວຽກງານກວດກາເຂົ້າໃສ່ບົດສະຫຼຸບ ແລະ ທິດທາງແຜນການ ທີ່ຈະສືບຕໍ່ຈັດຕັ້ງ ປະຕິບັດໃນປີ 2016.

   ໂອກາດດັ່ງກ່າວນີ້, ສະຫາຍ ດວງຕາ ໄຊວຸດ ກໍ່ໃຫ້ກຽດໂອລົມຕໍ່ກອງປະຊຸມແຕ່ລະບ່ອນນັ້ນ ໂດຍສະແດງຄວາມຍ້ອງຍໍຊົມເຊີຍ ຕໍ່ການເຄື່ອນໄຫວວຽກງານກວດກາທີ່ໄດ້ຈັດຕັ້ງປະຕິບັດໃນໄລຍະ 1ປີຜ່ານມາ ພ້ອມທັງໃຫ້ທິດຊີ້ນໍາໃນການຈັດຕັ້ງປະຕິບັດຕາມພາລະ ບົດບາດຂອງວຽກງານກວດກາ, ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ 10 ຂອງພັກ, ການປະຕິບັດບັນດາຄາດໝາຍທີ່ ກອງປະຊຸມໃຫຍ່ຂອງອົງຄະນະພັກແຂວງ ແລະ ມະຕິກອງປະຊຸມໃຫຍ່ຂອງອົງຄະນະພັກເມືອງແຕ່ລະເມືອງທີ່ໄດ້ວາງອອກ ແລະ ນໍາເອົາເນື້ອໃນກອງປະຊຸມໄປຜັນຂະຫຍາຍເປັນແຜນການ, ໂຄງການ, ແຜນງານໃຫ້ຕິດພັນກັບແຕ່ລະຂະແໜງການ.

 

 

 

 

ມອບ-ຮັບຕໍາແໜ່ງ

ອີເມລ ພິມ PDF
 

img 0060

ພິທີ​ມອບ-ຮັບ​ໜ້າ​ທີ່​ຄວາມຮັບຜິດຊອບ​ພາຍ​ໃນ​ ຂອງ​ຮອງ​ປະທານ

ຄະນະ​ກວດກາ​ສູນ​ກາງ​ພັກ-ອົງການ​ກວດກາລັດຖະບານ


ໃນ​ຕອນ​​ເຊົ້າຂອງ​ວັນ​ 17 ມິຖຸນາ 2016 ໄດ້​ມີ​ພິທີ​ມອບ-ຮັບ​ໜ້າ​ທີ່ ລະຫວ່າງ ທ່ານ ສິງ​ເພັດ ບຸນ​ສະຫວັດ​ທິພັນ, ຄະນະ​ພັກ, ຮອງ​ປະທານຄະນະ​ກວດກາ​ສູນ​ກາງ​ພັກ-ອົງການ​ກວດກາ​ລັດຖະບານ ຜູ້ຊີ້​ນໍາ ​ກົມ​ຄົ້ນຄວ້າຄໍາ​ຮ້ອງ-ຄໍາ​ສະ​ເໜີ(ຜູ້​ເກົ່າ) ກັບ ທ່ານ ສຸກ​ຄໍາ​ເພັດ     ​ ເຮືອງ​ບຸດ​ສີ ຮອງ​ປະທານຄະນະ​ກວດກາ​ສູນ​ກາງ​ພັກ-ອົງການ​ກວດກາ​ລັດຖະບານ ຜູ້​ຊີ້​ນໍາ ​ກົມ​ຄົ້ນຄວ້າຄໍາ​ຮ້ອງ-ຄໍາ​ສະ​ເໜີ(ຜູ້​ໃໝ່) ພິທີ​​ຈັດຂຶ້ນຢູ່ທີ່ຫ້ອງ​ປະຊຸມ​ອົງການ​ກວດກາ​ລັດຖະບານ, ມີ ສະຫາຍ ສີສະ​ອາດ ດວງ​ພະຈັນ ຄະນະ​ພັກ, ຫົວໜ້າ​ກົມ​ຈັດຕັ້ງພັກ-ພະນັກ​ງານ, ຫົວໜ້າ-ຮອງ​ຫົວໜ້າ​ກົມ​ຄົ້ນຄວ້າຄໍາຮ້ອງ-ຄໍາ​ສະ​ເໜີ, ຫົວໜ້າ-ຮອງ​ຫົວໜ້າ​ພະ​ແນ​ກ ພ້ອມ​ດ້ວຍ​ພະນັກງານວິຊາ​ການ​ກົມຄົ້ນຄວ້າຄໍາ​ຮ້ອງ-ຄໍາ​ສະ​ເໜີ ​ເຂົ້າຮ່ວມເປັນ​ສັກຂີ​ພິຍານ.

ພິທີ​ດັ່ງກ່າວ, ທ່ານ ຈັນທະ​ຄອນ ສີ​ສຸວັນ​ທອງ ຮອງ​ຫົວໜ້າກົມຄົ້ນຄວ້າ​ຄໍ​າຮ້ອງ-ຄໍາ​ສະ​ເໜີ ​ໄດ້​ຂຶ້ນຜ່ານ​ບົດ​ສະຫຼຸບການ​ເຄື່ອນ​ໄຫວ​ໃນ​ແຕ່​ລະ​ດ້ານ​ຂອງ​ກົມ​​ໃນ​ໄລຍະ​ທີ່​ຜ່ານ​ມາ, ຈາກ​ນັ້ນ, ທ່ານ ສິງ​ເພັດ ບຸນ​ສະຫວັດ​ທິພັນ ກໍ່ໄດ້​ສະຫຼຸບ​ຕີ​ລາຄາ​ໂດຍຫຍໍ້​ການ​ເຄື່ອນ​ໄຫວ​ວຽກງານ​ຊີ້​ນໍາ-ນໍາພາ ​ໂດຍ​ສະ​ເພາະ​ ຕໍ່​ກັບ​ວຽກງານ​ຄົ້ນຄວ້າຄໍາ​ຮ້ອງ-ຄໍາ​ສະ​ເໜີ ​ແລະ ທ່ານ ສຸກ​ຄໍາ​ເພັດ ​ເຮືອງ​ບຸດ​ສີ ກໍ່ໄດ້​ຂື້ນ​ກ່າວ​ຮັບ​ໜ້າ​ທີ່​ຮັບຜິດຊອບ​ວຽກງານ​ຊີ້​ນໍ​າພາຍ​ໃນກໍ່ຄື​ຊີ້​ນໍາ​ວຽກງານ​ກົມ​ຄົ້ນຄວ້າ​ຄໍາ​ຮ້ອງ-ຄໍາ​ສະ​ເໜີ​​ຂອງ​ຄະນະ​ກວດກາ​ສູນ​ກາງ​ພັກ-ອົງການ​ກວດກາ​ລັດຖະບານ​ ຢ່າງເປັນທາງການ.

 
 

ກອງປະຊຸມວຽກ​ງານກວດກາແຂວງວຽງຈັນ

ອີເມລ ພິມ PDF

img 3592 

 ສະຫາຍຮອງປະທານຄກສພ

ເຂົ້າຮວມກອງປະຊຸມວຽກງານກວດກາປະຈຳປີ 2015ີ່ແຂວງວຽງ​ຈັນ

   ໃນລະຫວາງວັນທີ 16-17 ມິຖຸນາ 2016 ສະຫາຍ ສີ​ໃນ ມຽງລາ​ວັນ ຮອງ​ເລຂາ​ຄະນະ​ພັກ, ຮອງ​ປະທານ​ຄະນະ​ກວດກາ​ສູນ​ກາງ​ພັກ,  ຮອງ​ປະທານ​ອົງການ​ກວດກາ​ລັດຖະບານ, ຮອງ​ຫົວໜ້າ​ອົງການ​ຕ້ານ​ການ​ສໍ້​ລາດ​ບັງ​ຫຼວງ​ຂັ້ນ​ສູນ​ກາງ ​ໄດ້​​ເຂົ້າຮ່ວມ​ກອງ​ປະຊຸມ​ວຽກ​ງານ​ກວດກາ​ປະ​ຈໍາປີ 2015 ຂອງ​ແຂວງ​ວຽງ​ຈັນ ພາຍ​ໃຕ້​ການ​ເປັນປະທານ​ຂອງ​ ສະຫາຍ ວິ​ນັດ ສີີສຸ​ວົງ ຄະນະ​ປະ​ຈໍ​າພັກ​ແຂວງ, ປະທາ​ນຄະນະ​ກວດກາ​ພັກ​ແຂວງ​ວຽງ​ຈັນ, ຫົວໜ້າ​ພະ​ແນ​ກກວດກາ​ລັດ​ແຂ​ວງ. ​ເປັນ​ກຽດ​ເຂົ້າຮ່ວມກອງ​ປະຊຸມ​ໃນ​ຄັ້ງ​ນີ້​ມີ​ ສະຫາຍ ວີ​ດົງ ​ໄຊ​ຍະ​ສອນ ກໍາມະການ​ສູນ​ກາງ​ພັກ, ​ເລ​ຂາ​ພັກ​ແຂວງ, ​ເຈົ້າ​ແຂວງ​ໆວຽງ​ຈັນ, ຄະນະ​ປະ​ຈໍາ​ພັກ​ແຂວງ, ກໍາມະການ​ພັກ​ແຂວງ, ເລຂາ​ພັກ​ເມືອງ, ປະທານ​ຄະນະ​ກວດກາ​ພັກ​ເມືອງ, ຜູ້ກວດກາ ແລະ ພະນັກງານກວດກາອ້ອມຂ້າງແຂວງເຂົ້າຮ່ວມ ຈໍານວນ 132 ສະຫາຍ, ຍິງ 22 ສະຫາຍ.

   ກອງປະຊຸມດັ່ງກ່າວໄດ້ຜ່ານບັນດາເອກະສານທີ່ສໍາຄັນຄື: ບົດສະຫຼຸບວຽກງານກວດກາຂອງຄະນະກວດກາແຂວງ ວຽງຈັນ ປະຈໍາປີ 2015 ແລະ ທິດທາງແຜນການປະຈໍາປີ 2016, ​ເຜີຍ​ແຜ່ທິດທາງແຜນການວຽກງານກວດກາປະຈໍາປີ 2016 ຂອງຄະນະກວດກາສູນກາງພັກ, ບົດແນະນໍາຂອງອົງການກວດກາລັດຖະບານເລກທີ 307/ອກລ, ລົງວັນທີ 30/9/2015 ວ່າດ້ວຍລະບຽບການຄຸ້ມຄອງ ແລະ ນໍາໃຊ້ສໍານວນ ເອກະສານແຈ້ງຊັບສິນ; ບົດບັນທຶກການປະສານງານ ລະຫວ່າງອົງການກວດກາລັດຖະບານ ແລະ ອົງການກວດສອບແຫ່ງລັດ; ຄໍາສັ່ງເລກທີ 15/ນຍ, ລົງວັນທີ 13/5/2016 ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ ແລະ ກວດກາການຂຸດຄົ້ນໄມ້, ເຄື່ອນຍ້າຍໄມ້ ແລະ ທຸລະກິດໄມ້; ບົດແນະນໍາຂອງອົງການກວດກາລັດຖະບານເລກທີ 246/ອກລ, ລົງວັນທີ 2/6/2016 ວ່າດ້ວຍການຕິດຕາມກວດກາການ ປະຕິບັດຄໍາສ່ັງເລກທີ 15/ນຍ ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ ແລະ ກວດກາການຂຸດຄົ້ນໄມ້. ນອກຈາກນີ້, ຍັງໄດ້ ຮັບຟັງການລາຍງານ ແລະ ປະກອບຄໍາຄິດຄໍາເຫັນຂອງບັນດາປະທານກວດກາເມືອງ; ຜູ້ກວດດກາຂອງບັນດາພະແນກການອ້ອມຂາງແຂວງ ກ່ຽວກັບການຈັດຕັ້ງປະຕິບັດ​ວຽກງານ​ກວດກາໃນໄລຍະ 1 ປີຜ່ານມາ.

   ກອງປະຊຸມຄັ້ງນີ້, ສະຫາຍເລຂາພັກແຂວງ, ເຈົ້າແຂວງໆວຽງຈັນ ແລະ ສະຫາຍ ສີໃນ ມຽງລາວັນ ຍັງໄດ້ມີຄໍາເຫັນໂອ້ລົມເນັ້ນຕໍ່ກອງປະ ຊຸມບາງຕອນວ່າ: ເຊິ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ ຂອງຄະນະພັກ, ຄະນະກວດກາແຕ່ລະຂັ້ນຢູ່ແຂວງ ວຽງຈັນ ທີ່ໄດ້ເອົາໃຈໃສ່ຊີ້ນໍາ-ນໍາພາ ແລະ ໄດ້ມີຄວາມຕັ້ງໜ້າຈັດຕັ້ງປະຕິບັດຕໍ່ວຽກງານກວດກາພັກ, ກວດກາລັດ, ການສະກັດກັ້ນ ແລະ ຕ້ານການສໍ້ລາດບັງຫຼວງໃນຕະຫຼອດໄລຍະປີ 1ຜ່ານມາ. ນອກຈາກນີ້, ສະຫາຍຍັງໄດ້ເນັ້ນອີກວ່າ ຄະນະກວດກາ ແລະ ພະນັກງານກວດກາ ແຕ່ລະຂັ້ນຕ້ອງເອົາໃຈໃສ່ ຄົ້ນຄວ້າ, ເຊື່ອມຊຶມ, ກໍາແໜ້ນ ແລະ ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກ, ມະຕິກອງປະຊຸມ ໃຫຍ່ ຄັ້ງທີ V ຂອງອົງຄະນະພັກແຂວງແລະ ບັນດາຄາດ ໝາຍເນື້ອໃນກອງປະຊຸມວຽກງານກວດກາແຂວງວຽງຈັນປະຈໍາປີ 2015 ໃຫ້ເກີດຜົນເປັນຈິງ;ສຸມ​ໃສ່​ຊີ້​ນໍາ ແລະ ຕິດຕາມ-ກວດກາ​ການ​ຄຸ້ມ​ຄອງ​ບໍລິຫານ​ລັດ​ແຕ່ລະ​ຂັ້ນ; ສະກັດກັ້ນຕ້ານການສໍ້ລາດບັງຫຼວງ ຕາມພາລະບົດບາດ ຂອງຕົນຢ່າງເຂັ້ມງວດກວ່າເກົ່າ.ສືບຕໍ່ປັບປຸງກົງຈັກການຈັດຕັ້ງຄະນະກວດກາ ແລະ ບໍາລຸງກໍ່ສ້າງພະນັກງານກວດກາ ແຕ່ລະຂັ້ນໃຫ້ໜັກ ແໜ້ນເຂັ້ມແຂງ, ສາມາດເປັນເສນາທິການໃຫ້ແກ່ຄະນະພັກຂັ້ນຂອງຕົນເປັນຢ່າງດີ.

 

 

 

 

   
ໜ້າທີ 3 ​ຂອງທັງ​ໝົດ 7 ໜ້າ
ຂະນະນີ້ທ່ານຢູ່ທີ່: ໜ້າ​ຫຼັກ ຂ່າວ​ ແລະ ເຫດ​ການ